Sögur úr Mangólandi

Hugsað heim

2008-10-21T09:06:00.002+02:00

Krónan er á bólakafi og randið er á "slippery slope". Það er svo margt sem hefur farið í gegnum hugann í þessum ólgusjó (eða er það ekki orðið sem stjórnmálamenn vilja nota yfir kreppuna?) Og um leið heldur lífið áfram og margar nýjar hugmyndir fæðast. Myndirnar hér að neðan eru frá AfrikaBurns, listahátíð í Twanga eyðimörkinni. Hátíðin gekk útá að búa til samfélag í fjóra daga þar sem ekkert má

Vorboðar

2008-09-22T09:38:00.005+02:00

Voru það Hadidurnar í garðinum, Sangoma hátíð Mfunekos, uppsögn Mbekis eða vorfagnaðurinn á Appelsínugötu sem komu með vorið í ár?Vorið kom á laugardaginn, tuttugu dögum of seint.Mjög skiptar skoðanir eru um Zuma og Mbeki, en margir trúa því Zuma muni gera meira fyrir fólkið en Mbeki. En Mbeki sagði af sér með reisn og tryggði stöðugleika í landinu næstu mánuði, þar til kosið verður og Zuma tekur

Hvalaleið

2008-09-08T09:30:00.003+02:00

Ein vinsæl gönguleið í Suður Afríku kallast the Whale trail. Fimm dagar í fynbush og sjávarilmi og dansandi hvalir allt í kring. Best á vorin því þá koma hvalirnir uppað ströndinni til að fæða og ala upp kálfana sína í friðsælum flóum, langt frá hákörlunum og hættum úthafsins.

Krían og Seltzer

2008-08-25T14:49:00.005+02:00

Á Lower Long Street, rétt hjá skrifstofunni okkar, er Food Lover's Market. Fyrir svangt athafnafólk á ferðinni. Þar er hægt að fá heita rétti, sushi á færibandi, dönsk vínarbrauð, jóghúrt með ávöxtum... og Seltzer!Drykkurinn sem kom og fór á Íslandi lifir góðu lífi hér.Á brúsanum stendur Seltser is bottled at source, using spring water, the finest natural ingredients and our original Icelandic

Ókyrrð í Western Cape

2008-05-28T22:32:00.002+02:00

Símon og Deborah frá Malawí voru ein þeirra sem þurftu að flýja heimili sitt í townshippi Hout Bay um síðustu helgi.Meira í Vítt&Breitt mánudaginn 26.maí.

Ókyrrðin í Alexandra

2008-05-20T23:55:00.004+02:00

Í townshippunum í kringum Jóhannesarborg ríkir stríðsástand.Fáttækt fólk ber, myrðir, rænir annað fáttækt fólk.Suður Afríkubúar láta reiði yfir slæmum lífsskilyrðum bitna á innflytjendum frá öðrum Afríkulöndum sem koma hingað í leit að betra lífi. Hér er meiri vinnu að fá, hér er efnahagurinn betri.En er ástandið í landinu virkilega svo slæmt að almennir íbúar fara offorsi og myrða fólk sem því

Kyrrðin í Karoo

2008-05-16T10:26:00.004+02:00

Hvaða dýr var á ferðinni?

Freedom day

2008-04-27T10:03:00.003+02:00

Á þessum degi 1994 voru fyrstu lýðræðislegu kosningarnar hér í S-Afríku.

stórt og lítið hús

2008-04-14T11:47:00.001+02:00

Skipulagsslys eða fallegt ósamræmi?

Á föstudögum

2008-04-11T09:33:00.005+02:00

kyrja múslimar á Long street, módelin dansa fyrir framan Mandela Rhodes verslunarmiðstöðina (já hvaða hrokagikki datt þetta nafn í hug?) og jazzinn nær hámapunkti við Alþjóðlegt ráðstefnusetur... Rétt handan við hraðbrautina sem sést á þessari mynd eru flóttamannabúðir Simbabvemanna. Hlusta á pistil á rúv

Hverjir komu fyrstir?

2008-02-29T10:29:00.002+02:00

Hverjir voru hér allra fyrst?Aðeins um Búskmennina í Vítt og Breitt 24.02 hlusta

Vistvæn búð

2008-02-01T10:04:00.000+02:00

Ný búð í hverfinu hefur verið opnuð. Hún er í fallegum hárauðum gámi og með lítinn rafal sér við hlið. Sómalíumaðurinn sem rekur búðina ætlar hvorki að láta rafmagnsleysi né township-pólitík koma í veg fyrir viðskipti. En innflytjendur frá öðrum Afríkuríkjum fara oft illa útúr viðskiptum í townshippunum þar sem þeir eru ógn við innfædda.Meira um rafmagnsleysið: pistill í Vítt og Breitt frá 28

Sígild hönnun

2008-01-27T19:48:00.000+02:00

Frá Bollagötu til Bloomfontein, alls staðar má finna mjaðmasveiflubrettið og hrísgrjónastólana góðu

Byggingar í Cape Town

2008-01-07T11:02:00.001+02:00

Pabbi kom í heimsókn og það voru teknar margar myndir af byggingum.Í miðbænum úir og grúir öllu saman, lágt og hátt, skrautlegt og módernískt.Hlusta á lýsingu af göngutúr í miðbænum

A shack with a view

2008-01-01T18:25:00.001+02:00

Hlaupajól

2007-12-24T12:26:00.000+02:00

Hér í strandbænum Hermanus er vaknað klukkan 6 og farið í góðan hlaupatúr meðfram ströndinni. Um það leyti eru flestir komnir á ról, margir hlaupandi eða gangandi sér til heilsubótar, aðrir á leið til vinnu. Afi Skúli hefði verið fullur tortryggni hér því hann var á þeirri skoðun að árrisult fólk hefði eitthvað slæmt á samviskunni. Kannski eitthvað til í því.Fleiri jólamyndir

Söguleg stund í post-apartheid Suður Afríku

2007-12-19T10:34:00.000+02:00

Zuma vann Mbeki í kosningum ANC í gær. Margir eru áhyggjufullir.Zuma hefur verið kenndur við tribal pólitík, hann höfðar til fjöldans þrátt fyrir ákærur um bæði nauðgun og fjársvik.Mbeki hafði áhyggjur af því fyrir kosningarnar að þær mundu fjalla um menn en ekki málefni. Margir eru hræddir um að Zuma fæli í burtu helstu hugsuði flokksins.Mæli með Mail & Guardian fyrir málefnalega umfjöllun um

Búar og sönglag sem varð að hitamáli

2007-11-18T10:52:00.000+02:00

Má nota orðið Búi í dag yfir Suður-Afríkumenn sem tala Afrikaans?Á meðan Búarnir sjálfir nota orðið Boere við ýmis tilefni, þó aðallega í listum og leik, leyfi ég mér að nota íslensku útgáfuna af því hér. Útvarpspistillinn í Vítt og Breitt um Búana hljóðaði einhvernveginn svona:Suðurafríski tónlistarmaðurinn Bok Van Blerk fer með óð til stríðshetju úr Búastríðinu, Koos De la Rey í vinsælu

Hljóðbrot og township-ferð

2007-10-24T14:18:00.000+02:00

Hlusta á Jazzprufu úr Township ferð [Gugulethu 23. september]Hlusta á pistil um Mannanöfn [Vítt og Breitt 24. september]Hlusta á pistil um Galdralækna - Sangoma [Vítt og Breitt 15. október]Collin sem vísað er í í pistlinum um galdralækna stendur hér með Jazz félugum sem héldu tónleika í litlu herbergi í litlu húsi í Gugulethu townshippinu. Eftir tónleikahaldið var borðað kjöt.Á meðan við

Mörg hlutverk Borgarstjóra

2007-09-26T10:24:00.000+02:00

"Helen Zille borgarstjóri Cape Town handtekin í mótmælagöngu gegn eiturlyfjanotkun" var forsíðufréttin í the Cape Times nú á dögunum.[sjá frétt] Í sama blaði, sama dag, sendi Helen Zille Múslimum Ramadankveðju og Gyðingum nýárskveðju.

Í fótsporum Hilke...

2007-09-13T12:37:00.000+02:00

Hilke, þýskur arkitekt, búsett í Kaupmannahöfn og fyrrverandi sambýliskona okkar þar, kom í heimsókn."Mannlífið er allsstaðar, í Evrópu eru allir á leiðinni eitthvað en hér er fólk bara, já fólk bara er, göturnar eru notaðar á svo fjölbreyttan hátt" sagði Hilke sem féll fljótt fyrir Long Street, lífæðinni miklu sem svo margir samt gleyma og fara frekar í moll. Götulífsmyndir gestsins[photos by

Dagur konunnar

2007-08-17T09:28:00.000+02:00

Þann 9. ágúst 1956 tóku 20 þúsund blökkukonur sig saman og skunduðu uppað stjórnarráðinu í Pretoríu með undirskriftalista þar sem þær mótmæltu óréttlátum passalögum. "You have struck a woman, you have struck a rock" sögðu þær.9. ágúst er opinber frídagur en því miður er eins og margir gleymi hversvegna, eitt helsta umfjöllunarefnið í fjölmiðlum er "the Waterfront Vodacom Woman of Worth"

3 brúðkaup og 1 borgarlistahátíð

2007-08-09T22:01:00.000+02:00

Dagbókarbrot úr ferðalagi síðasta mánaðar21. júlí ~ Anna María giftist Gunnlaugi í Lundabrekkukirkju í Bárðardal 28. júlí ~ Helga og Ársæll giftu sig á Þingvöllum fleiri Þingvallamyndir hér04. ágúst ~ Helene sagði já við Benjamin í Fredriksberg Rådhus2-5. ágúst ~ Kaupmannahöfn Metropolis hátíð5. ágúst ~ Gjörningalistamaðurinn Zhu Ming kveikir eld inní stórri blöðru á sýningunni By Beijingfleiri

Frá Vesturströndinni

2007-07-02T23:59:00.000+02:00

Haust í Robertson

2007-06-28T09:38:00.000+02:00

Vínin frá Robertson fást einmitt í Ríkinu!

Nýtt hverfi - í Moll

2007-05-30T10:40:00.000+02:00

Canal Walk er eitt af nýju hverfunum í Cape Town og eins og víða þá fylgir nýja hverfinu stærðar MOLL með sama nafni.Við fórum í Canal Walk um daginn, ekki til að labba eftir sýkinu heldur til að kaupa hillu. Eins gott því sýkið sem var einungis sjáanlegt á skrýtnum risaskjá. Á skjánum var líka verið að kynna hverfið og sýna hvað þarna væri indælt að búa, í öruggu umhverfi í nánd við vatn og

Sú sem vísar veginn

2007-05-26T14:35:00.000+02:00

Þið getið slátrað kjúklingi þegar ég dey!Það var eiginlega sögukonan Brenda frekar en ræstitæknirinn sem heimsótti okkur þennan daginn. Söguuppsprettan var þó ekki gleði, heldur sorgir og ósætti. Tveir fjölskyldumeðlimir mannsins hennar létust með stuttu millibili, fyrst miðaldra frændi í kjölfar veikinda en síðan ung frænka í bílslysi. Sorgin fékk ekki a vera í friði frekar en fyrri daginn því

Borg "under construction"

2007-05-06T22:41:00.000+02:00

Cape Town er í uppbyggingu. Á teikniborðunum liggja u.þ.b 200 hótel.Ferðamannastraumurinn eykst stöðugt, fleira og fleira aðkomufólk sest hér að, heimsmeistaramótið í fótbolta 2010 verður að hluta til hér.Hús á förnum vegi:

Mannanöfn í takt við tímann

2007-04-23T09:39:00.000+02:00

Þjóðskrá Suður Afríku er mjög í takt við tímann því hjá Zulu fólki er það siður að skíra eftir mikilvægum atburði eða einhverju sem gerist þegar barnið fæðist. Áður fyrr voru nöfnin á Zulu og tengdust oft bardögum og harðri lífsbaráttu:Cijimpis (prepare for war)Mdubulenis (shoot him)Sgebengus (criminal)Xhawulengwenis (shake hands with a tiger)Í kringum 1990 varð vinsælt að skíra börn Nkululeko (

Prince Albert

2007-04-21T10:23:00.000+02:00

Myndirnar hér og í síðustu færslu eru frá Prince Albert í Karoo hálf-eyðimörkinni.Svæðið er þekkt fyrir fallegt landslag, heitt og þurrt loftslag og bragðgóð lambalæri. Endaleysuna og kyrrðina þarf þó að upplifa því slíkri sérstæðu er erfitt að lýsa í myndum eða orðum. Eða kannski var það hrjóstugt landslagið sem heillaði Íslendinginn þegar hlaupaskórnir fengu vængi og andinn frelsaðist.Rétt hjá

Vin í eyðimörkinni

2007-04-10T20:37:00.000+02:00

Á Páskadag var mikið um að veraÞví miður eru miklir eldar víða sem enginn ræður við

CAPE07 Biennale - List í tíma og ótíma

2007-04-01T13:33:00.000+02:00

19 mánaða undirbúningi hátíðarinnar CAPE07 hefur verið líkt við meðgöngutíma fíla sem er 22 mánuðir.Hátíðin átti fyrst að heita TansCape af því að ætlunin var að umturna miðborginni, úthverfum og nærliggjandi bæjum í eitt stórt listrými. Þá áttu borgarbúar að streyma á milli bæjarhluta og upplifa list í tíma og ótíma...Síðan hefur frasinn “too little budget” haft sitt að segja, stórar hugsanir

Bæjarlíf

2007-03-13T09:52:00.000+02:00

Endurvinnslugámurinn í hverfinu hefur ekki verið tæmdur síðan við byrjuðum að tæma. Þegar við hringdum til að athuga málið var okkur sagt að hann yrði örugglega tæmdur á morgun. "Á morgun" er líklega afstætt.Strákur á hjóli í hafnarbænum KleinmondÁ leið heim eftir strit dagsins

Gott að vita um fíla

2007-03-06T11:54:00.000+02:00

Fílar eru óútreiknanleg dýr og með þeim hættulegri í skóginum.Skapgerðin lík okkar mannanna, breytist frá degi til dags.Hægt er að sjá hvort fíll er í árásarskapi á eyrunum, ef hann nálgast og eyrun blaka fram, þá er um blöff að ræða. En ef hann nálgast og eyrun liggja aftur og raninn vísar niður, þá er voðinn vís. Fílar finna víst aðallega þefinn af nærveru okkar og því er nauðsynlegt að vita

Regnbogadans

2007-02-26T15:28:00.000+02:00

Regnbogar, sebrahestar, bland í poka. Allt eru þetta einkenni fyrir Suður Afríku í dag, tákn fyrir samfélag þar sem ólíkir kynþættir lifa saman.Það er samt sem áður mikilvægt að vita hver maður er undir þessum óútreiknanlega regnboga.Þegar opnaður er bankareikningur eru gefnir upp ótal möguleikar á að skilgreina sig á eyðublaði. Allt frá því að vera hvítur, svartur eða litaður í að vera einn

Jólastemmning

2006-12-11T07:36:00.000+02:00

Aðgangur að réttlæti

2006-11-09T08:35:00.000+02:00

Um þessar mundir er 10 ára afmæli Stjórnarskrár hinnar nýju Suður Afríku fagnað og að því tilefni eru mál sem snerta lýðræðið rædd í Þjóðarsálinni á radio SABC (ríkisútvarpinu).Í morgun var spurt hverjir njóti lýðræðisins og hverjir hafi raunverulega aðgang að réttlætinu í lýðsræðisríki þar sem meiri hluti þjóðarinnar býr samt enn við kröpp kjör.Í klippingu hjá Peter sem er litaður, leiddist

Hvað á hún að heita?

2006-11-02T10:41:00.000+02:00

[Til ráðalausra nýbakaðra foreldra]Nkosie er algengt nafn á Xhosa og þýðir einfaldlega Takk.Beauty tekur þjónustusímtöl hjá Telecom og Princess afgreiðir í bankanum.Dawn hitti ég útá götu, hún fæddist við sólarupprás.Foreldrar félaga okkar í Namibíu voru búin að eignast 5 dætur þegar þeim loksins fæddist sonur. Þau nefndu hann Boy.Namibíski bjórinn Windhoek er nefndur eftir höfuðborg landsins.

2006-10-27T09:42:00.000+02:00

Heimilislaus fótbolti og rafmagnslínur í Cape TownHeimsmeistarkeppni heimilislausra í fótbolta var haldin fyrir nokkru og það hefur orðið að umræðuefni í okkar vinahópi hversu stórkostlegt framtak það var.Mín skoðun var byggð á hamingjusömum andlitum leikmannanna sem ég las viðtöl við í The big Issue. Aðrir héldu því fram að þetta hefði verið flopp, lítið sem ekkert auglýst og vekti enga sérstaka

2006-10-12T08:43:00.000+02:00

Árstíðabrall og alpahúfur + nýja heimilið í OranjezichtFyrsti september var vordagur. En vorið stoppaði stutt og nú er komið sumar. Xhosa konurnar eru búnar að skipta út höfuðklæðum, frá alpahúfum vetrarins yfir í litríka klúta sumarsins. Brenda sagði mér að það væri siður að giftar konur létu ekki sjást í hárið á sér og þess vegna væru þær alltaf með eitthvað á hausnum.Alpahúfan mín fór líka í

2006-09-28T21:37:00.000+02:00

Góður díll á myrkvum degiÍ dag fengum við adsl á nýja heimilið okkar sem er í Oranjezicht í miðbæ CT. 3 gígabæt fyrir 300 rönd á mánuði. 'Sprenigsala hjá Heklu' var það fyrst sem ég heyrði þegar ég kveikti á RÚV og ég hugsaði með mér að líklega hefði ekkert gerst á meðan ég í netleysinu fylgdist illa með. En sem þær hugsanir flugu í gegnum huga minn var líklega verið að hleypa vatninu af stað

2006-08-23T09:16:00.000+02:00

Af konum og lífinu eftir klukkan fimmVið búum núna í Konstantía í Höfðaborg, gróðursömum vínræktunardal í suðurhlíðum Borðfjalls. Þetta er eitt elsta og mest eftirsóttasta hverfið, því hér alltaf skjól og hér er allt fallegt og gott. Á sunnudögum stunda íbúarnir hestastökk, sellóleik og vínsmökkun. Tíminn hefur verið frystur en sem betur fer kemur Brenda stundum í heimsókn og segir okkur sögur úr

2006-07-17T10:29:00.000+02:00

Afl ástarinnar og ökuskóli AndrésarÁ meðan "breaking news" eru af sprengjuregni og stríði þá eru margir Afríkubúar að velta því fyrir sér hvort og hvernig G8 ríkin ætli að standa við loforð um að bæta hagi fólks hér í álfunni.Í greininni 'The power of love' skrifar keníski rithöfundurinn Binyavanga Wainaina meðal annars þetta um ástandið í Nairobi höfuðborg KeníaWe have a German school, a French

2006-07-07T19:16:00.000+02:00

Namibía ISandur, ryk og vingjarnlegheit fylltu vitin á 17 daga ferð okkar um Namibíu. Ósnortin náttúra, eyðimerkur og fallegustu sólsetur í heimi. 30 manna þorp sem voru upphaflega byggð í kringum lestarstöð en lestin er búin að vera biluð í 20 ár. Mangoland á skilið að fá margar uppfærslur í viðbót frá þessu fallega landi, við féllum gjörsamlega fyrir landi og þjóð.Hér erum við á leiðinni uppá

2006-06-13T09:35:00.000+02:00

Tími Prótea og óreglulegs skýjafars.Veturinn leggst vel í mig. Þægilegur hiti, 15-22 gráður og litskrúðugar Próteur í blóma útum allt. Stundum skríður Norðanáttin inn með þungbúin ský, eins og myrkvagardínur séu dregnar niður, fjöllin hverfa úr augsýn og maður telur sig heppinn að búa í húsi. Dagblöðin skrifa um lekandi hjalla og neyðaráætlanir ef til kemur að heimilislausum fjölgi mikið. Þegar

2006-06-11T11:56:00.000+02:00

Blixen eða TinniKaren Blixen er ekki vinsæl þessa dagana.Hún er kölluð barónessa rasistanna í grein eftir hinn keníska Dominic Odipo. Odipo segir að það sé fráleitt að kalla heilt hverfi í höfuðborginni Nairobi í höfuðið á þessari skaðlegu hefðarmær. Öll greinin...Á sama tíma stígur Tinni í vinsældum. Tinni og Desmund Tutu voru heiðraðir af Dalai Lama nú á dögunum.Á hátíðinni var hægt að fá

2006-06-06T12:27:00.000+02:00

Nokkrar götumyndirLongstreet - slagæð borgarinnar, maður finnur hana tikka nætur sem daga. Allt að gerast, mótast og myndast.. (erfitt að fanga á ljósmynd!) Múslimahverfið Bo-Kaap - litríkt og ilmandi. Bo-Kaap er eitt elsta hverfið í Cape Town. Hægt er að kaupa Roti (hálfgert buritos með kryddaðri grænmetiskássu) eða grillmat og borða á götuhorni, rétt eins og á Nörrebrú í

2006-06-02T13:58:00.000+02:00

Horft á Höfðaborg úr fjallshlíðumHöfðaborg hjúfrar sig í kringum Borðfjall (Table Mountain) og Ljónshöfuð. Legan myndar því alveg sérstak samband milli borgar og náttúru. Hin ólíku sjónarhorn á fjöllin blasa við borgarbúanum í daglegu amstri og landslag borgarinnar er svo það sem fyrir augu fjallgöngumannsins ber.Já eins og ef Esjan kæmi í stað Skólavörðuholts og Keilir í stað Arnarhóls.Kannski

2006-05-25T12:28:00.000+02:00

Tvö efnahagskerfi í heimsóknUm daginn kom kona í heimsókn sem heitir Tozie. Hún er Xhosa eins og bæði Miriam Makeba og Nelson Mandela.Þetta var þó ekki kurteisisheimsókn því Tozie tók fljótt til við að skúra og skrúbba. Þremur tímum seinna drukkum við te og spjölluðum um menn og málefni (að því leyti sem menningarlegur munur leyfði) í skínandi hreinni íbúðinni. Hún skrifaði niður nokkur Xhosa

2006-05-17T23:51:00.000+02:00

Bíóveruleiki Við erum nú búin að klöngrast upp og niður kletta og brekkur ýmist í gönguskóm eða klifurtúttum, sannfærast um að tröll eru líka til sunnan miðbaugs og komast í návígi við Bushman magí.Cederberg þjóðgarðurinn um 200 km norður af Höfðaborg samanstendur af fjöllum og ævintýralegum klettum sem minna helst á Villta Vestrið. Mann undrar ekki að Bushmenn völdu sér þarna staði fyrir

2006-05-08T10:11:00.000+02:00

Kúltúr í Cape TownMozart, Picasso og Carmen í AfríkuMenningarlífið í Cape Town er í miklum blóma og mikilvægur þáttur í samfélagslegri uppbyggingu. Stundum er sú leið farin að blanda saman menningu infæddra og vestrænni "hámenningu", kannski til að benda á hið sammannlega og hvað hinir ólíku menningarheimar eiga sameiginlegt þrátt fyrir allt.Þetta tekst auðvitað misvel. Carmen í Khayelitsha er

2006-04-25T13:55:00.000+02:00

Suðaustanáttin í Cape TownErum að koma okkur fyrir í Höfðaborg. Suðaustanátt og glæpatíðni eru þau atriði sem helst þarf að huga að þegar staður er valinn til að búa á. Útsýni yfir fjöll, sjó eða borg hafa næstum því allir. Við búum í Vredehoek (Friðarhorni) næstu mánuðina sem er vindsælt hverfi á sumrin en mjög rólegt á veturna (maí-ágúst). Útsýni frá svölunum okkar kvöldið sem við fluttum

2006-04-20T10:06:00.000+02:00

Eplagarðurinn Glenbrae kvaddurKrakkar sem búa á Glenbrai eplagarðinum, Nikkie, Joana, Kenin og Lolita. Eplatínslan er yfirstaðin, síðustu eplin voru Granny Smiths (þessi grænu) og Royal Gala (rauðgrænbleik), en góðu gulgrænu Golden Delicious eplin eru löngu búin. Golden delicious eru einu eplin þar sem eftirspurn er meiri en framleiðslan.Við erum flutt af eplagarðinum í bili. Með gott eplabragð,

2006-04-13T14:58:00.000+02:00

Vatnsverðir við StilltafjörðErum búin að vera á þvælingi og þess vegna er búið að vera sögustopp hér á Mangólandi. Nú síðast vorum við vatnsverðir í strandhúsi við Stillbai. En við fengum það hlutverk að fylgjast með vatnstanki og vindmyllu í nokkra daga á yndislegum stað við suðurströndina. Ég gat þá státað að því að hafa unnið fyrir Vatnsveitu Reykjavíkur í mörg ár og var kölluð The Water Lady

2006-03-29T09:17:00.000+02:00

When you mix black and white the result is colored.Litaða fólkið í Suður Afríku virðist elska liti. Þau mála húsin sín lillablá, bleik og sundlaugagræn á meðan hvíta fólkið málar allt í sama lit og eyðimörkin er, blæbrigði af brúnum, og keyra í hvítum bílum. Um helgina fórum við í útilegu rétt hjá syðsta punkti Afríku, Cape Agulhas. Hér eru myndir af litbrigðum og lífi úr ferðinniHér sést þyrping

2006-03-26T21:28:00.000+02:00

Þeir sem hafa og þeir sem hafa-ekkiAðskilnaðarstefnan heyrir sem betur fer sögunni til en leifarnar af henni eru alls staðar og fátæktin er mikil. Hér á eplagarðinum búum við eins og kóngar, við höfum allt (þótt við búum í lánshúsi). Vinnufólkið, fjölskyldur þeirra og vinir búa í bakhúsunum. Þau tilheyra hópnum sem 'hafa ekki'. Fólkið býr nokkurn veginn í sátt og samlyndi hér þótt bóndinn sé

2006-03-15T19:35:00.000+02:00

Og hér erum við núá eplabúgarðinum Glenbrae. Verðum hér með annan fótinn næstu vikurnar.Erum samt búin að finna íbúð í Cape Town og flytjum í hana um miðjan apríl

2006-03-15T19:26:00.000+02:00

Pretroia - Cape TownOn the roadStundum er maður óheppinn með hótelherbergi, hér var sturtan lárétt og fyrir ofan mína hæð. Ég fékk því bara smá bunu á kollinn eftir langan dag í heitum bílHjá vinum - allir hjálpast að við að hengja upp myndirSápuóperuleg mynd frá heimili systur Dries, Og grillmeistarinn

2006-03-08T01:24:00.000+02:00

SowetoSoweto stendur fyrir South West Township. Þaðan koma tveir nóbelsverðlaunahafar, Nelson Mandela og Desmond Tutu, en þeir bjuggu víst við sömu götu einu sinni. Soweto er líka frægt útaf óeirðum og fjöldamorðum á skólabörnum árið 1976, fræg er ljósmynd af Hector Petersen látnum en myndin birtist í dagblöðum víða um heim og hvatti til umhugsunar um hversu alvarlegt ástandið var í landinu.En

2006-03-07T01:34:00.000+02:00

Safarí og borgarstillur Nokkrar myndir hér og þar í Pretoríu og Jóhannesarborg...Foreldrar Dries. Köttur vina okkar. Nelson Mandela brúin. Að lokum Safarí í Mokaikai (Mokaikai þýðir Hvar hvar á Tswana, einu af 11 opinberum tungumálum S Afríku )

2006-03-05T11:06:00.000+02:00

Tilbrigði af bænÉg minntist á það að guð væri í hjörtum fólksins. En um daginn fibaðist húsbóndinn þegar hann fór með borðbænina.Thank you father for the foodThank you for the hands that made the foodThank you for being with us to nightBe with those that are not so privileged GoodbyeSvo ef guð er móðgunargjarn þá er hann kannski bara farinn, hver veit!

2006-03-04T19:54:00.000+02:00

Tvær vikur í “comfort zone” Waterkloof heights er eitt af betri hverfum Pretoríu. Hér býr fólk í stórum húsum með görðum og hliðum og miklum veggjum allt í kring. Sumstaðar eru verðir eða hundar sem sitja eða sofa fyrir utan, en sumstaðar er bara merkið “ADT armed respone” sem merkir að þjófavarnarbjallan kallar samstundis á vopnaðan vörð. Hér fara íbúar ekkert gangandi, heldur keyra